2022 йил якунларига кўра Месси дунёнинг энг яхши футболчиси деб топилди

ASTANA. Kazinform - Аргентина терма жамоаси ва «ПСЖ» клуби ҳужумчиси Лионел Месси 2022 йилда дунёнинг энг яхши футболчиси деб топилди, деб хабар бермоқда Kazinform мухбири.

Сhampionat.com сайтидан олинган маълумотларга кўра, Халқаро футбол тарихи ва статистикаси федерацияси (IFFHS) энг яхшилар номини эълон қилди.

Месси 275 очко тўплаган. У ПСЖ ва Франция терма жамоаси ҳужумчиси Килиан Мбаппени ортда қолдириб кетди. Мбаппе ҳисобида атиги 35 очко бор. Кучли учликни «Реал» ва Франция терма жамоасининг яна бир ҳужумчиси Карим Бензема (30 очко) якунлади. Шунингдек, «Реал» ярим ҳимоячиси, хорватиялик Лука Модрич (15) ва «Манчестер Сити» ҳужумчиси, норвегиялик Эрлинг Холланд (5) кучли бешталикдан жой олишди.

Муаллиф: Ғайсағали Сейтақ

Фото: GETTY IMAGES