2025 йилдан кейин Қозоғистонда ҳеч ким аҳолига хизмат кўрсатиш марказларига бормайди
28 Июнь 17:09

2025 йилдан кейин Қозоғистонда ҳеч ким аҳолига хизмат кўрсатиш марказларига бормайди

NUR-SULTAN. Kazinform – «Видео ЦОН» лойиҳаси фуқароларга давлат хизматларидан АХМга мурожаат қилмасдан масофадан туриб фойдаланиш имконини беради, деб хабар беради Kazinform мухбири.

ҚР Рақамли ривожланиш, инновациялар ва аэрокосмик саноат вазири Бағдат Мусиннинг тушунтиришича, «Видео ЦОН» (видео орқали аҳолига хизмат кўрсатиш) лойиҳаси фуқароларга давлат хизматлари марказига мурожаат қилмасдан масофадан туриб хизматларни олиш имконини беради.

«Вазирлик давлат органлари билан биргаликда 2025 йилгача «Видео ЦОН» орқали фуқароларга маслаҳат бериш ва хизмат кўрсатишни режалаштирмоқда», — деди вазир.

Шунингдек, вазирлик давлат хизматлари марказларида тўловларни QR код орқали тўлаш имкониятини ҳам жорий қилди. Бағдат Мусиннинг сўзларига кўра, барча тўловларни QR орқали тўлаш жорий қилиниши керак. Бу, вазир таъкидлаганидек, нафақат фуқароларнинг пул маблағларини тежаш, балки яширин иқтисодиётга барҳам бериш йўлида дадил қадам ташлаш имконини беради.

Аввалроқ Қозоғистон Бош вазири Алихан Смаилов қозоғистонликлар 66 фоиз хизматларни смартфон орқали олишларини айтган эди.

Муаллиф: Ақбота Кузекбай

Ўхшаш янгиликлар
Қозоғистонда компьютер дастурлаш хизматлари ҳажми бир йилда 42,2 фоизга ошди
9 Август 22:29

Қозоғистонда компьютер дастурлаш хизматлари ҳажми бир йилда 42,2 фоизга ошди

NUR-SULTAN. Kazinform - Қозоғистонда жорий йилнинг биринчи чорагида компьютер дастурлаш хизматлари, шунингдек, консалтинг ва бошқа тегишли хизматлар ҳажми, иқтисодиётнинг кузатилмаган секторини ҳисобга олмаганда, рекорд даражадаги 139,6 миллиард тенгени ташкил этди. Бу ўтган йилнинг шу даври билан солиштирганда 42,2 фоизга кўп, деб хабар беради Kazinform Ranking.kz сайтига асосланиб.

Соҳада хизматлар ҳажмининг ўсиши кетма-кет тўққизинчи йил давом этмоқда. Хизматлар ҳажмининг ярмидан кўпи биргина Алмати шаҳрига тўғри келди: 75,8 миллиард тенге. Бу 2021 йилнинг биринчи чорагига нисбатан 2,3 баробар кўп. Пойтахт 51,5 миллиард тенге ҳажми билан кейинги ўринда туради.

Соҳадаги хизматлар таркибида энг катта ҳажм тўғридан-тўғри дастурий таъминотни ишлаб чиқишга тўғри келди: 58,5 миллиард тенге, йил давомидаги ўсиш – 12,6 фоиз.

Қозоғистонда давлат коллежлари 100 фоиз корхоналар ҳомийлигига олинди
9 Август 18:05

Қозоғистонда давлат коллежлари 100 фоиз корхоналар ҳомийлигига олинди

NUR-SULTAN. Kazinform - Давлат коллежлари 100 фоиз корхоналар тасарруфига олинди. Бу ҳақда бугун Ҳукумат йиғилишида ҚР Таълим-маориф вазири Асхат Аймағамбетов маълум қилди, деб ёзади Kazinform.

«Президентнинг топшириғига кўра, вилоятлар ҳокимликлари билан ҳамкорликда корхоналарнинг талабларидан келиб чиқиб, кадрларни мақсадли тайёрлашни йўлга қўйдик. Бундай грантнинг асосий фарқи шундаки, давлат мутахассисни текин тайёрлайди, корхоналар эса иш билан таъминлаш мажбуриятини ўз зиммаларига оладилар. 10 000 та махсус грантлар биринчи марта ажратилди. Кадрлар сифатини ошириш мақсадида коллежларга иш берувчилар билан ҳамкорликда таълим дастурлари ва ўқиш муддатларини ўзгартириш бўйича академик автономиялар берилди. Давлат коллежлари 100 фоиз корхоналар ҳомийлигида», – деди вазир.

У таъкидлаганидек, коллежларга ўқишга қабул қилишда бир қатор янгиликлар жорий этилган. Биз талабалар учун мутахассислик танлашда профессионал диагностикани жорий қилдик, натижада абитуриентларга мутахассислик танлаш бўйича тавсиялар берилади. Давлат буюртмасини талабалар ўртасида тақсимлаш жараёни автоматлаштирилди. Кириш имтиҳонлари олиб ташланди.

«Давлат томонидан кўрсатилаётган улкан кўмак билан «Ёш мутахассис» лойиҳаси асосида 180 та коллеж замонавий лабораториялар билан жиҳозланиб, уларнинг ўқув дастурлари ҳам янгиланиб, сифатли кадрлар тайёрлашга янги суръат бағишланди», – дейди у.

Қозоғистонда 2 та университетга тадқиқот университетлари мақоми берилади
9 Август 15:22

Қозоғистонда 2 та университетга тадқиқот университетлари мақоми берилади

NUR-SULTAN. Kazinform - Қозоғистоннинг 2 та олий таълим муассасасига тадқиқот университетлари мақоми берилади. Бу ҳақда Ҳукумат йиғилишида ҚР Фан ва олий таълим вазири Саясат Нурбек маълум қилди, дея хабар беради Kazinform.

«Тадқиқот экотизимини шакллантириш ва инновацион технологияларни ривожлантириш учун 3 та олий таълим муассасасини тадқиқот университетларига айлантириш режалаштирилган. Булар Л. Гумилев номидаги Миллий университет, Ал-Фаробий номидаги Қозоқ Миллий университети, М.Авезов номидаги Жанубий Қозоғистон давлат университети. Шундан, Ал-Фаробий номидаги ҚозМУга тадқиқот университети мақоми берилди»

, – дейди Саясат Нурбек.

Унга кўра, Л.Гумилев номидаги Миллий университетини тадқиқот университетига айлантириш ва ривожланиш дастури бўйича қарор лойиҳаси тайёрланди. М.Авезов номидаги ЖҚДУни тадқиқот университетига ўтказиш бўйича ишлар олиб борилмоқда.

«Узлуксиз таълимни таъминлаш мақсадида узлуксиз таълим концепцияси қабул қилинди. Норасмий таълимнинг тан олинишини таъминлаш мақсадида Миллий малака базасини янгилаш ишлари олиб борилмоқда»

, - деди у.

Вазирнинг сўзларига кўра, академик мобиллик дастури доирасида 10 йил давомида 17 мингдан ортиқ қозоғистонлик талаба хорижий ҳамкасбларининг олий ўқув юртларида таълим олган. Шундай қилиб, 2022 йилнинг биринчи ярмида ушбу дастурга қабул қилинган талабалар сони 2320 нафарни, 2021 йилда эса 3246 нафарни ташкил этди.

Янгиликлар

Архив