Бу йил Қозоғистонда 400 мингдан зиёд болалар биринчи синфга боради
1 Июль 21:15

Бу йил Қозоғистонда 400 мингдан зиёд болалар биринчи синфга боради

NUR-SULTAN. Кazinform - 3 ой ичида болаларни 1-синфга қабул қилиш учун 320 мингга яқин ариза келиб тушди. Улар орасида 70 фоизга яқин болалар давлат тилида ўқишни танлаган. Бу ҳақда Kazinform Таълим-маориф вазирлигига таяниб хабар бермоқда.

Биринчи синфга қабул 1 апрелдан бошланди. Ҳужжатларни қабул қилишнинг охирги муддати – 2022 йил 1 август. Фуқароларга қулайлик яратиш мақсадида ҚР Таълим-маориф вазирлиги томонидан хизмат автоматлаштирилган ва ҳужжатлар egov.kz веб-портали орқали қабул қилинади. Ота-оналар ҳужжатларни анъанавий қоғоз форматида ҳам топширишлари мумкин.

«Ота-оналарга ҳужжатларни имкон қадар тезроқ топширишни маслаҳат берамиз, чунки қабул 1 августда тугайди. 1 августдан мактабларда ўқув жараёнини сифатли режалаштириш ва ташкил этиш, дарсликлар тарқатиш, синфларни шакллантириш ва бошқа ташкилий ишлар бошланади. Ҳужжатларни қабул қилиш бошланганига 3 ой ўтди ва шу вақт ичида 320 мингга яқин мурожаат келиб тушди. Уларнинг 82 фоизи электрон шаклда қабул қилинган. Шу билан бирга, бугунги кунда давлат тилида таълим олмоқчи бўлганлар салмоғи қарийб 70 фоизни ташкил этади. Қозоқ тилида ўқитиладиган синфларга энг кўп қабул қилиш кўрсаткичлари Қизилўрда (92,4 фоиз), Туркистон (89 фоиз) ва Манғистау (87,1 фоиз) вилоятларида қайд этилган«

, — деди ҚР Таълим-маориф вазирлиги мактабгача ва ўрта таълим қўмитаси раиси Гулмира Каримова.

Янги ўқув йилида 1-синфга 400 мингдан ортиқ болалар бориши кутилмоқда.


Ўхшаш янгиликлар
Қозоғистонда 2000 га яқин киши докторантурага ҳужжат топширган
9 Август 22:54

Қозоғистонда 2000 га яқин киши докторантурага ҳужжат топширган

NUR-SULTAN. Кazinform - Ҳужжатлар 5 июлдан 5 августгача қабул қилинди. Қабул қилиш учун фақат битта олий таълим муассасаси ва битта таълим дастурини танлаш мумкин. Имтиҳонлар 20 августга қадар давом этади. Докторантурага грант асосида ва тўлов-контракт асосида ўқишга қабул қилиш чегараси 75 баллни ташкил этади, деб хабар беради Кazinform.

Ўтган йилдан бошлаб докторантурага қабул учун имтиҳон электрон форматда ўтказилмоқда.

Номзодлар компьютерда иншо ёзадилар, докторантурада ўқишга тайёргарлик бўйича тест ва таълим дастури профили бўйича имтиҳон топширадилар.

«Олий таълим муассасаларига кириш имтиҳонларининг биринчи босқичи суҳбат шаклида ўтказилади. Иккинчи босқич тест марказлари базасида электрон форматда ўтказилади. Бўлажак докторантлар олий ўқув муассасалари томонидан тасдиқланган мавзулар бўйича иншо ёзадилар. Иншони баҳолаш, докторантурада ўқишга тайёргарлик бўйича тест синовлари, касбий имтиҳонлар натижалари тўпланиб, кириш имтиҳонининг якуний баҳоси чиқарилади», — деди вазирликнинг Олий ва олий таълим муассасасидан кейинги таълим бўлими директори Гулжан Жарасова.

Умуман олганда, кириш имтиҳонида максимал балл 100 баллни ташкил қилади.

Улардан суҳбат - 20 балл, иншо - 10 балл, докторантурада ўқишга тайёрлигини аниқлаш тести - 30 балл, касбий имтиҳон саволлари - 40 балл.

Бу йил биринчи марта докторантурага кириш учун чет тилини ўзлаштирганлиги тўғрисидаги гувоҳномадан ташқари, ҚАЗТЕСТ тизими бўйича давлат тилини ўзлаштирганлигини тасдиқловчи сертификат тақдим этиш зарур.

Докторантура бўйича давлат таълим буюртмасига келсак, 2022-2023 ўқув йили учун PhD мутахассисларини тайёрлаш бўйича давлат грантлари сони 1890 тани ташкил этади.

Докторантурага магистратура даражасига ва камида тўққиз ойлик иш стажига эга ёки тиббиёт мутахассислиги бўйича резидентурани тамомлаган шахслар қабул қилинади.

Фото: 1technation.cоm

Қозоғистонда масофавий таълим жорий этилмайди
2 Август 15:52

Қозоғистонда масофавий таълим жорий этилмайди

NUR-SULTAN. Kazinform – Қозоғистон Бош санитария шифокори Айжан Есмағамбетова ҳудуд «қизил» зонага кирган тақдирда таълим соҳасида жорий этиладиган чекловлар ҳақида гапирди, деб хабар беради Кazinform мухбири.

«Биринчидан, бу санитария ва дезинфекцияни кучайтириш, тозалаш частотасини ошириш, офисларни вентиляция қилиш, ҳавони стерилизация қилишдир. Бундан ташқари, кираверишда фильтр ўрнатилади, ўқитувчи ва ходимларнинг тана ҳарорати ўлчанади», — деди Айжан Есмағамбетов 24kz телеканалига берган интервьюсида.

Унга кўра, масофавий ўқитиш формати жорий этилмайди. Шу билан бирга, «қизил» зонага кирадиган ҳудудларда маданий-маърифий тадбирлар, синф ва ота-оналар йиғилишларини ўтказиш тақиқланади.

«Болалар боғчаларида гуруҳларни бирлаштириб тадбирлар ўтказиш тақиқланади. Мактабларда юқори, ўрта ва қуйи синф ўқувчилари ажратилиши мумкин. Бу улар имкон қадар бир-бирлари билан учрашмасликлари учун амалга оширилади. Ёдингизда бўлса, бошланғич ва юқори синфлар учун алоҳида кириш йўллари ташкил қилгандик», - деди Бош санитария шифокори.

Муаллиф: Марлан Жиембай


Янгиликлар

Архив