Бу йил Қозоғистонда агросаноат мажмуаси бўйича 291 лойиҳа амалга оширилади

ASTANА. Кazinform – Жорий йилда агросаноат мажмуаси бўйича 291 лойиҳа амалга оширилади. Бу ҳақда ҚР Бош вазир Алихан Смаиловнинг тарқатиб юборилган 7-чақириқ Парламент депутатлари саволига берган жавобида айтилди, дея хабар беради Кazinform мухбири.

– Чорвачиликда селекция ва наслчилик ишларини рағбатлантириш, уруғлик трансформацияси, шунингдек, замонавий наслчилик технологиясини қўллаш ҳисобига наслли қорамоллар улушини 15 фоизга етказиш бўйича ишлар амалга оширилмоқда. Йирик товар саноат ишлаб чиқаришини ривожлантириш, саноат корхоналарининг қувват салоҳиятини ошириш учун шароитлар яратилмоқда. Бу, ўз навбатида, қишлоқ хўжалиги маҳсулотларини ишлаб чиқаришнинг мунтазамлиги ва стандарт сифатини таъминлайди»

, — деди Бош вазир ўз жавобида.

Алихан Смаиловнинг айтишича, агросаноат комплекси соҳасида инвестиция лойиҳалари амалга оширилмоқда. 2022-2026 йилларда агросаноат мажмуасида инвестисия лойиҳаларини амалга ошириш бўйича «йўл харитаси» тасдиқланди.

«Қиймати 2,8 триллион тенге бўлган 967 та инвестиция лойиҳасини фойдаланишга топшириш режалаштирилган. Жорий йилда умумий қиймати 536 миллиард тенге бўлган 291 та лойиҳани амалга ошириш режалаштирилганда 6,6 мингта иш ўрни яратилади»

, — деди Ҳукумат раҳбари.

Муаллиф: Марлан Жиембай