Бу йил Қозоғистонда кийиклар сони 1 миллиондан ошади
18 Май 23:32

Бу йил Қозоғистонда кийиклар сони 1 миллиондан ошади

NUR-SULTAN. Кazinform – 2021 йил якунларига кўра, мамлакатда 842 мингта кийик бор. Ваколатли идоралар вакиллари альбиноснинг Қозоғистонда туғилганига ҳам изоҳ берди, деб хабар беради Кazinform мухбири.

Ўтган ҳафтада қозоғистонликлар ижтимоий тармоқларда альбинос қуралай акс этган видеоларни жойлаштира бошлади. Маълум бўлишича, видео бир неча йил аввал Россияда суратга олинган. Бу маълумотни ҚР Экология, геология ва табиий ресурслар вазирлиги тасдиқлади.

«Охотзоопром» республика корхонаси бўлим бошлиғи Азамат Ақаев ушбу фактга изоҳ берди.

«Биринчидан, видео Қозоғистонда суратга олинмаган. Иккинчидан, альбинизм маълум ҳодисадир. Яъни, насл оқ рангда туғилади, бу генетик бузилиш билан боғлиқ. Худди шундай, альбинос илмий жиҳатдан тасдиқланган ноёб ҳодиса «, - деди у.

Мутахассиснинг фикрича, кийикларнинг туғиш жараёни ҳар йили апрел ойининг охиридан май ойининг ўрталарига қадар давом этади.

«Биз ҳар йили кийикларни ҳисоблаймиз. Бугунги кунга қадар республикада альбинос кийикларининг туғилиши ҳолатлари қайд этилмаган. Қозоғистонда кийикларнинг учта кенг тарқалган тури мавжуд. Булар Устюрт кийиклари, Бетпақдала ва Урал кийикларидир. Ўтган йилги ҳисоботга кўра, республикада 842 минг бош кийик бор. Жорий йилда бу кўрсаткич янада ортади, деган умиддамиз. 1,2 миллионга яқин кийик бўлиши тахмин қилинмоқда. Умуман олганда, дунёдаги кийикларнинг 90 фоизи мамлакатимизга тегишли», — деди А. Ақаев.

Кийиклар ҳар йили туғилгандан кейин ҳисобга олинади. Йил охиригача эса натижалар тайёр бўлади.

«Кийикларни болалаш вақтида безовта қилмаслик керак. Худди шундай, кийикларни рўйхатга олиш илмий ташкилотлар томонидан тасдиқланган усулга мувофиқ амалга оширилади. Рўйхатга олиш асосан вертолётда ўтказилади. Кийикларнинг болалаш жараёни ваколатли органлар ва саноат илмий-тадқиқот муассасалари вакиллари томонидан назорат қилинади. Вазият йил давомида ўрганилиб, йил охиригача хулоса қилинади», — деди у.

«Охотзоопром» вакилининг сўзларига кўра, мамлакатда кийиклар сони йил сайин ортиб бормоқда.

Муаллиф: Али Ибраев


Янгиликлар

Архив