Бухорода Туркий давлатлар ташкилоти Ёш лидерлари форуми бўлиб ўтмоқда
3 Июнь 17:05

Бухорода Туркий давлатлар ташкилоти Ёш лидерлари форуми бўлиб ўтмоқда

BUHARA. Kazinform - Форумда Туркий давлатлар ташкилотининг Ёш лидерлари билан бирга Ўзбекистон Республикаси Ёшлар ишлари агентлигининг директори, сенатор Алишер Саъдуллаев, Туркий Давлатлар Ташкилотининг Бош котиби Бағдат Амреев ҳамда Бухоро вилояти ҳокими Б. Зарипов иштирок этди. Бу ҳақда Kazinform UzAга таяниб хабар беради.

Шавкат Мирзиёев томонидан Туркий тилли давлатлар ҳамкорлик кенгашининг 8-Саммитида 2022 йилни туркий дунёда «Ёшлар ташаббусларини қўллаб-қувватлаш йили» деб эълон қилиш юзасидан билдирган ташаббуслари асосида ўтказилаётган ушбу форум бир неча минг йиллик қардош халқлар ёшларининг ўзаро алоқаларини янада ривожлантиришда муҳим тарихий аҳамият касб этади.


Бугун старт олаётган «Туркий дунёда ёшлар ташаббусларини қўллаб-қувватлаш йили» нинг Ўзбекистон заминида қадим Шарқ дурдонаси Бухоро шаҳрида ўтказилмоқда. Форум доирасида намойиш этиладиган тақдимот ва ишланмалар туркий дунё ёшлари ўртасида таълим, илм-фан, тадбиркорлик, ахборот технологиялари ва бошқа йўналишларда ҳамкорликни ривожлантириш, Туркий дунёнинг буюк маданий-тарихий меросини оммалаштириш мақсадида маданий-гуманитар ҳамкорликни кучайтиришга хизмат қилади.



Фото: UzA
Ўхшаш янгиликлар
«Коня-2021»: Ўзбекистон гандболчи қизлари ярим финалда
10 Август 10:10

«Коня-2021»: Ўзбекистон гандболчи қизлари ярим финалда

KONYA. Kazinform - Гандбол бўйича Ўзбекистон аёллар терма жамоаси гуруҳ босқичида иккинчи ғалабасини қўлга киритди. Бу ҳақда Kazinform UzAга таяниб хабар беради.


Иккинчи турда Бангладешга қарши баҳс олиб борган ўзбекистонлик қизлар 42:20 ҳисобида ғалаба қозонди.

Мазкур йирик ғалаба жамоанинг муддатидан аввал ярим финалга чиқишини таъминлади.

Гуруҳдаги учинчи турда ўзбекистонлик гандболчилар Туркия жамоаси билан рўбарў келади.

Ўзбекистон эркаклар терма жамоаси тарихда илк бор шахмат олимпиадаси ғолиби бўлди
9 Август 16:33

Ўзбекистон эркаклар терма жамоаси тарихда илк бор шахмат олимпиадаси ғолиби бўлди

TASHKENT. Кazinform - Ўзбекистон эркаклар терма жамоаси Ченнай (Ҳиндистон) шаҳрида бўлиб ўтаётган Бутунжаҳон шахмат Олимпиадасининг финал босқичида Голландия терма жамоасини мағлубиятга учратиб, тарихда илк бор турнир чемпиони бўлди. Бу ҳақда Ўзбекистон шахмат федерацияси президенти Алишер Саъдуллаев ўзининг Теlegram-каналида маълум қилди, деб хабар беради Kazinform мухбири.

Бугун 44-шахмат Олимпиадасининг сўнгги 11-турида Ўзбекистон Голландия терма жамоасини 2,5:1,5 ҳисобида мағлуб этди. Гроссмейстерлар Нодирбек Ёқуббоев, Жавоҳир Синдаров ва Нодирбек Абдусатторов рақиблари билан дуранг ўйнади. Ҳал қилувчи баҳсда Жаҳонгир Воҳидов Макс Уормердамни мағлубиятга учратиб, миллий терма жамоа ҳисобига олимпиаданинг илк олтин медалини келтирди.

«Яна бир хушхабар: Ўзбекистон терма жамоаси ушбу Олимпиадада бирорта ҳам мағлубият аламини тотиб кўрмаган ягона жамоага айланди. Барча юртдошларимизни тарихий ғалаба билан табриклайман!», — деб ёзади Алишер Саъдуллаев.

29 июлдан 9 августгача Ҳиндистоннинг Ченнай шаҳрида 44-Жаҳон шахмат олимпиадаси бўлиб ўтади. Мусобақанинг ёпилиш маросими эртага, 10 август куни бўлиб ўтади.

2026 йилда Бутунжаҳон шахмат олимпиадаси Ўзбекистонда ўтказилиши ҳақида аввалроқ хабар берилган эди. Республик бу мусобақаларга илк бор мезбонлик қилади. Мумкин бўлган шаҳарлар Тошкент ёки Самарқанддир.

Фото: t.me/alisher_sadullaev

Муаллиф: Мадибек Жанибеков


Ўзбекистонда қишлоқ хўжалиги соҳасини ёритадиган янги телеканал очилади
9 Август 14:45

Ўзбекистонда қишлоқ хўжалиги соҳасини ёритадиган янги телеканал очилади

TASHKENT. Kazinform - Ўзбекистонда қишлоқ хўжалиги соҳасини ёритадиган «Агро ТВ» деб номланган янги инновацион телеканал ташкил этилади. Бу ҳақда Kazinform UzAга таяниб хабар беради.

«Агро ТВ» телеканалининг асосий мақсади – мамлакат қишлоқ хўжалиги секторини янги ва замонавий ракурсларда очиб бериш.

Телеканал медиа технологияларнинг замонавий усуллари ва тенденцияларидан фойдаланилган ҳолда маҳаллий томошабин ҳамда хорижий инвесторларни гўшт ва сут, қандолат маҳсулотлари, мева-сабзавот, пахта, буғдой ва бошқа маҳсулотлар ишлаб чиқариш ва қайта ишлаш соҳасидаги сўнгги янгиликлар билан таништириб бориши таъкидланмоқда.

Бундан ташқари, аудиторияни жаҳон ва маҳаллий қишлоқ хўжалиги соҳасидаги янгиликлардан хабардор қилиш, томошабинга бу соҳадаги халқаро тажриба, инновациялар, ноу-хао, шунингдек, етакчи маҳаллий ва хорижий экспертларнинг фикрлари билан танишиш имкониятини беради.

«Агро ТВ» телеканали ўзбек, рус ва инглиз тилларида эфирга узатилади. Телеканал қамрови Ўзбекистоннинг барча вилоятларини ўз ичига олади.

Янгиликлар

Архив