Филиппиндаги сув тошқинларидан 46 минг киши эвакуация қилинди

ASTANA. Kazinform – Филиппиннинг жанубий ва шарқий провинцияларида кучли ёмғир оқибатида юзага келган сув тошқинлари туфайли камида саккиз киши ҳалок бўлди, 19 киши бедарак йўқолди, деб хабар беради Kazinform euronews ахборот агентлигига таяниб.

Қутқарув ишларида соҳил хавфсизлик хизмати ходимлари иштирок этмоқда. Табиий офат Рождество байрамига тўғри келди. Бу вақтда кўплаб филиппинликлар жамоат жойларига ёки қариндошларига ташриф буюришди. Мамлакат Ижтимоий ишлар вазирлиги маълумотларига кўра, 46 мингга яқин одам эвакуация марказларида бошпана топган.

Олимларнинг фикрича, Филиппин иқлим ўзгаришидан энг кўп зарар кўрган давлатлар қаторига киради. 7600 дан ортиқ ороллардан иборат архипелагда йилига ўртача 20 та тропик довул содир бўлади.

Фото: AFP FOTO