Франция футбол федерацияси президентининг Зинедин Зидан ҳақидаги нутқи можарога сабаб бўлди

ASTANА. Кazinform - Франция футбол федерацияси (FFF) президенти Ноэль Ле Гренинг Зинедин Зиданга нисбатан нутқи юзасидан можаро келиб чиқди, дея хабар беради Кazinform мухбири.

Ле Гре узоқ вақтдан бери Франция терма жамоаси бош мураббийлигига номзод сифатида кўриб чиқилаётган машҳур футболчи Зинедин Зидан ҳақида фикр билдирди.

Зинедин Зидан Бразилия терма жамоаси жиловини ўз қўлига олиши мумкинлиги ҳақидаги маълумотларга келсак, Ле Гре: «Зидан Бразилия терма жамоасини бошқариши мумкинми? Менга фарқи йўқ! Агар у мен билан боғланишга ҳаракат қилса-чи? Бу мумкин эмас, мен унинг қўнғироқларига ҳам жавоб бермайман».

Ле Гренинг сўзларига биринчи бўлиб Франция терма жамоаси ҳужумчиси Килиан Мбаппе жавоб қайтарди.

«Зидан – Франция, бундай афсонавий футболчига ҳурматсизлик қилиш ноўрин», — деб ёзади у ижтимоий тармоқдаги саҳифасида.

З.Зидан мураббийликда ҳам катта муваффақиятларга эришди. Унинг қўл остида «Реал» (Мадрид) клуби кетма-кет уч марта Чемпионлар лигасида ғолиб чиқди, икки марта Испания чемпионлигини қўлга киритди. 2021 йилнинг 27 май куни у Мадрид клубини тарк этди.

«Реал» клуби ҳам жим турмади ва Франция футбол федерацияси президенти Ноэль Ле Гренинг жаҳон спорт юлдузларидан бири Зинедин Зидан ҳақидаги сўзларига қайғурди.

«Ўз юрти шарафини ҳимоя қилган, жаҳон ва Европа чемпиони бўлган, бошқа кўплаб муваффақиятларга эришган Зинедин Зидан бутун спорт фаолияти давомида ҳам футболчи, ҳам мураббий сифатида ўзини намоён қила олди. FFF президентининг баёноти унинг позициясига тўғри келмайди. У жамоамиз сардори, «Олтин тўп» соҳиби, 2021 йилда Франция терма жамоаси билан Миллатлар лигаси чемпиони, беш карра Чемпионлар лигаси ва бошқа унвонлар соҳиби Карим Бензема ҳақида ҳам шундай фикр билдирди», - дейилади «Реал» расмий баёнотида.

L'Equipe нашрининг ёзишича, Зинедин Зидан Ле Гренинг нутқига жавоб қайтармоқчи эмас.

Фото: GETTY IMAGES

Муаллиф: Ғайсағали Сейтақ