Хитой ўз фуқароларига хорижга саёҳат қилиш учун паспорт беришни тиклайди

PEKIN. Kazinform – Хитой ҳукумати Хитой фуқароларига хорижий сайёҳлик сафарлари учун паспорт беришни тиклайди. Бу ҳақда ХХР Давлат миграция назорати бошқармаси баёнотида маълум қилинган, дея хабар беради Kazinform мухбири.

2023 йил 8 январдан сайёҳлик мақсадида хорижга чиқиш учун умумий паспорт олишга Хитой резидентларининг аризаларини қабул қилиш ва кўриб чиқиш тартиблари қайта тикланади.

Бундан ташқари, тартибга солувчи орган Хитойнинг аҳолисига туристик ёки бизнес мақсадларида Гонконгга ташриф буюриш учун рухсатномаларни беришни давом эттиради.

Хитой статистик маълумотларига кўра, 2019 йилнинг биринчи ярмида хитойлик сайёҳлар хорижда 127,5 млрд доллар сарфлаган. Хитой сайёҳлик харажатларининг 54 фоизи Осиё қитъасига тўғри келади. Америка қитъаси 24% билан иккинчи, Европа 13% билан учинчи ўринни эгаллади.

2019 йилнинг биринчи ярмида хитойликлар «Бир камар ва йўл» мамлакатлари бўйлаб жами 14,9 млрд доллар сарфлади.

Муаллиф: Руслан Сулейменов