Канадада 10 кишини пичоқлаб ўлдирган ака-укалардан бирининг жасади топилди

NUR-SULTAN. Kazinform - Канада полицияси якшанба куни Саскачеван провинциясида оммавий қотилликда гумон қилинган икки гумонланувчидан бири ўлик ҳолда топилганини маълум қилди, дея хабар беради Kazinform BBCга таяниб.

Агентлик маълумотларига кўра, 31 ёшли Дэмиен Сандерсоннинг жасади унинг қурбонларининг аксарияти истиқомат қилган канадалик Кри ҳиндуларининг Джеймс Смит жамоаси ҳудудидан топилган.

Гумонланувчилар ака-ука бўлиб чиқди. Полиция маълумотларига кўра, Майлз Сандерсон ҳамон озодликда ва провинция пойтахти Реджайн шаҳрида бўлиши мумкин.

Эслатиб ўтамиз, якшанба куни Канаданинг марказий қисмидаги Саскачеван провинциясида содир этилган ҳужумда камида 10 киши ҳалок бўлган, 18 киши жароҳатланган эди.

Фото: bbc.com