Қасим-Жомарт Тоқаев Беларусь Президенти Александр Лукашенко билан учрашди
ASTANA. Kazinform – Қасим-Жомарт Тоқаев ОҲИЧК саммити доирасида Беларусь Президенти Александр Лукашенко билан учрашди, дея хабар беради Kazinform.
Қасим-Жомарт Тоқаев ОҲИЧК ва МДҲ саммитларидаги иштироки учун Александр Лукашенкога миннатдорчилик билдирди.
Шу билан бирга, Қозоғистон Беларусь билан стратегик шерикликни ҳар томонлама ривожлантиришга алоҳида эътибор қаратишини таъкидлади.
Суҳбат чоғида президентлар икки мамлакат ўртасидаги кўп қиррали ҳамкорликнинг бугунги ҳолати ва муносабатларни янада мустаҳкамлаш истиқболларини муҳокама қилдилар. Савдо-иқтисодий ҳамкорлик ва саноат кооперациясини ҳар томонлама жонлантиришга алоҳида эътибор қаратилди.
«Ҳукумат аъзоларига доимо савдо ва сармоявий ҳамкорликни ошириш, лойиҳаларни илгари суриш учун барча имкониятларни яратиш зарурлигини айтаман. Мавжуд имкониятлардан фойдаланиш керак. Самарали кўп томонлама ҳамкорликни янада ривожлантириш учун барча чораларни кўраман»
, – деди Қасим-Жомарт Тоқаев.
Александр Лукашенко саммитга таклиф қилгани учун Давлат раҳбарига миннатдорлик билдириб, ОҲИЧК фаолиятини янада мустаҳкамлаш учун катта имкониятлар мавжудлигини таъкидлади.
«ОҲИЧК ташкилотини глобал миқёсда ривожлантиришни бошлаганингиз жуда тўғри»
, – деди Беларусь Президенти.
Шу билан бирга, Давлат раҳбарлари халқаро ва минтақавий кун тартиби юзасидан фикр алмашдилар.
Фото:t.me/bort_01
