Қозоғистон Президенти Марказий Осиёда транспорт инфратузилмасини ривожлантириш масаласини кўтарди

ASTANA. Kazinform – Бугун Астана шаҳрида «Марказий Осиё – Россия» саммитида Қозоғистон Президенти Қасим-Жомарт Тоқаев транспорт ва транзит соҳасидаги муҳим қадамларни айтиб ўтди, деб хабар беради Kazinform мухбири.

Давлат раҳбари анъанавий логистика занжиридаги тўсиқлар ҳақида тўхталиб, бу ҳолат минтақа давлатларидан транспорт-транзит салоҳиятидан тўлиқ фойдаланишни талаб қилишини таъкидлади.

«Ўзининг ноёб географик жойлашуви туфайли Марказий Осиё дунёдаги энг йирик бозорлар орасида муҳим бўғин ҳисобланади. Шу боис, бугунги кунда барча саъй-ҳаракатларимизни мавжуд ва истиқболли транспорт-транзит йўналишларини ривожлантиришга қаратиш муҳим аҳамиятга эга. Жаҳон банкининг баҳолашига кўра, Марказий Осиёда транспорт коммуникацияларининг ривожланиши барча мамлакатлар ялпи ички маҳсулотининг 15 фоизга ўсишини таъминлаши мумкин», - деди Қасим-Жомарт Тоқаев.

Шу муносабат билан Президент соҳадаги камчиликларни бартараф этиш учун инфратузилмани модернизация қилиш, маъмурий тартиб-таомилларни соддалаштириш, транзит учун қулай шарт-шароитлар яратиш, шунингдек, рақамли логистиканинг интеграциялашган ечимларини жорий этиш муҳимлигини таъкидлади.

Муаллиф: Руслан Ғаббасов