Қозоғистонда эртадан бошлаб маданият ходимларининг маоши 75 фоизга оширилади
30 Июнь 23:15

Қозоғистонда эртадан бошлаб маданият ходимларининг маоши 75 фоизга оширилади

SHYMKENT. Кazinform – 1 июлдан «Миллий» мақомга эга бўлган маданият муассасалари ходимларининг иш ҳақи 75 фоизга оширилади. Бу ҳақда Чимкентдаги йиғилишда ҚР Маданият ва спорт вазири Даурен Абаев маълум қилди.

«Маданият ва архив ташкилотлари ходимларининг иш ҳақи ҳар йили оʻртача 20 фоизга оширилади. Бу иш 2025 йилгача амалга оширилади, яъни бу даврда иш ҳақи миқдори 100 фоизга ошади. Қайд этишни истардимки, Давлат раҳбарининг Фармонига асосан 1 июлдан бошлаб «Миллий» мақомига эга маданият муассасалари ходимларининг иш ҳақи 75 фоизга оширилади», — деди Маданият ва спорт ишлари вазири Даурен Абаев.

Вазирнинг айтишича, мамлакатда кино ишлаб чиқариш жадал ривожланмоқда. Масалан, «Қазақфильм» киностудиясини модернизация қилиш ишлари олиб борилмоқда, «Қазақанимация» ижодий бирлашмасини ташкил этиш ишлари олиб борилмоқда. Ушбу ассоциация бу йил томошабинларга 10 та пилот лойиҳани таклиф қилмоқда. Юқори баҳоланган анимацион фильмлар ва кинофильмларни қозоқ тилига дубляж қилиш учун маблағ ажратилмоқда.


Ўхшаш янгиликлар

Янгиликлар

Архив