ҚР Президенти Коррупцияга қарши кураш агентлиги раисини қабул қилди

ASTANA. Kazinform – Давлат раҳбари Қасим-Жомарт Тоқаев ҚР Коррупцияга қарши кураш агентлиги раиси Асхат Жумағалини қабул қилди, дея хабар беради Kazinform Ақордага таяниб.

Президентга мамлакатда коррупцияга қарши кураш чоралари тўғрисида маъруза қилинди. Хусусан, биринчи чоракда 500 дан ортиқ коррупция жинояти қайд этилиб, 400 дан ортиқ шахс фош этилган. Улардан 53 нафари турли даражадаги раҳбарлардир.

Асхат Жумағалининг айтишича, жорий йил 23 январдан бошлаб кичик ва ўрта бизнесни ривожлантириш йўлидаги маъмурий тўсиқларни бартараф этишга қаратилган «Бизнесга йўл» лойиҳаси ишга туширилган. Лойиҳа доирасида 7 мингга яқин тадбиркорга ёрдам кўрсатилди.

Шунингдек, Давлат раҳбарига коррупциянинг олдини олиш бўйича кўрилаётган профилактика ва суғурта тадбирлари ҳақида маълумот берилди. Шу билан бирга, жорий йилда Коррупцияга қарши курашиш хизмати томонидан коррупцияга олиб келувчи таҳдидларни бартараф этиш бўйича 769 та таклиф ва тавсиялар киритилди.

Президент коррупцияга туртки бўлаётган тизимли сабаб ва шароитларни бартараф этиш ғоят муҳим эканини таъкидлади. Шу билан бирга, Қ.Тоқаев юқори мансабдор шахслар ўртасида коррупцияни аниқлаш ва унинг олдини олишга алоҳида эътибор қаратиш бўйича топшириқ берди.