Нигерияда байкерлар карнавалида 14 киши ҳалок бўлди

ASTANA. Kazinform – Нигерияда байкерлар машҳур карнавалида йўлдан чиқиб кетган автомобил параддан завқланаётган бир гуруҳ одамларни уриб юборди. Бунинг оқибатида камида 14 киши ҳалок бўлди, деб хабар беради Kazinform BBCга таяниб.

Воқеа гувоҳи бўлганларнинг сўзларига кўра, тезликни ошириб юборган ҳайдовчи рулни бошқара олмай қолган.

Биринчи марта 2004 йилда Калабар портида ўтказилган ушбу карнавал бутун дунёдан сайёҳларни жалб қилади. Бир ой давом этадиган тадбир ташкилотчилари уни Африкадаги энг катта кўча кечаси деб аташади. Covid пандемияси сабабли икки йиллик танаффусдан сўнг, бу йил кўпчилик уни жуда кутилмоқда. Карнавалда маҳаллий машҳур одамлар иштирок этади. Улардан баъзилари карнавал либосларини кийиб, мотоциклда турли трюклар ижро этишади.

Полиция ҳайдовчининг маст эканлигини аниқлади ва у ҳибсга олинди. Жароҳатланган 15 ёшли боланинг отасининг сўзларига кўра, ҳайдовчи пулни йўлга ташлаган ва одамлар пулни олмоқчи бўлганида, аянчли ҳолат юзага келган.

Штат губернатори Бен Аяде баёнотига кўра, ҳукумат ҳозирда автомобил карнавал майдончаларига кўплаб тўсиқлардан қандай ўтиб кетганини текширмоқда.

Фото: bbc.com