Номзодлар ўртасида қизиқарли баҳс бўлиб ўтади – эксперт

ASTANA. Kazinform – Қозоғистон Республикаси Президенти ҳузуридаги Қозоғистон Стратегик тадқиқотлар институти Сайлов жараёнини ўрганиш бўлими бош эксперти Амина Урпекова мамлакатдаги сайловолди ташвиқотига баҳо берди, деб хабар беради Kazinform мухбири.

«1 март куни еттита сиёсий партия вакиллари ўртасида сайловолди теледебати бўлиб ўтди. Баҳс давомида рақиблар ўртасида бироз ҳис-туйғу ва рақобат бор эди. Баҳс иштирокчилари имкон қадар томошабинлар эътиборини тортишга ҳаракат қилишди. Бу, бир томондан, партияларнинг сайловда овоз тўплашига кенг йўл очган бўлса, иккинчи томондан, номзодларнинг асосий ғоя ва позициялари билан яқиндан танишиш имконини берди. Ўтган баҳс яна бир бор партияларнинг асосий йўналиши ва ижтимоий базасини кўрсатди. Шу билан бирга, улар овозлар учун курашда асосий рақибларини аниқладилар. Масалан, тадбиркорлар ва қишлоқ сайловчиларининг овози учун рақобатни қайд этиш мумкин», - дейди Амина Урпекова.

Унинг сўзларига кўра, баҳслар давомида партия вакиллари ижтимоий ва иқтисодий кўрсаткичларга урғу бериб, сонлар ва маълумотлар билан ишлаган.

Экспертнинг фикрича, бу сайловга маълум даражада тайёргарлик кўришдан далолат беради ва 16 март куни бундан ҳам қизиқарли баҳс кутмоқда.

«Бир мандатли сайлов округлари бўйича аралаш сайлов тизимига ўтиш қозоғистонликларнинг фуқаролик ва сиёсий фаоллигига сезиларли туртки берди. Шу тариқа, 10 минг нафардан ортиқ кишилар Мажилис ва маслихат депутати этиб сайланиш ҳуқуқидан фойдаланмоқда. Сиёсий номзодларнинг сайловолди ташвиқотидаги рақобатбардошлиги кўплаб омилларга боғлиқ. Хусусан, номзод ва унинг ходимларининг мотивацияси ва кўзкараши, моддий ва кадрлар салоҳияти, сайловолди ташвиқотига тайёргарлик даражаси, бунёдкорлик ва самимийлик. Оммавий ахборот воситаларидан тенг фойдаланиш давлат томонидан кафолатланади. Максимал адолатни таъминлаш учун тарғибот масалалари тартибга солинади. Бундан ташқари, ҳар бир номзод сайловолди ташвиқоти учун давлатдан тенг миқдорда пул олади», - дейди у.

Шунингдек, ҚСТИ вакили ҳуқуқий нуқтаи назардан барча номзодларга тенг имкониятлар мавжудлиги, сайловолди ташвиқоти натижалари эса номзодларнинг ўзига боғлиқлигини айтди.

Муаллиф: Адилжан Умбет

Фото: ortcom.kz