Рамазон ойида Қозоғистонда Рамазон исмли 1085 нафар ўғил туғилди

NUR-SULTAN. Kazinform – Апрел ойида туғилган ўғил болаларга кўпинча Рамазон, қизларга эса Медина исмлари қўйилган. Бу ҳақда ҚР Стратегик режалаштириш ва ислоҳотлар агентлигининг Миллий статистика бюроси маълум қилди, дея хабар беради Kazinform.

Хусусан, Рамазон исмли 1085 нафар ўғил туғилди. Иккинчи ўринда энг машҳур исм - Айсултан. Бу исм 248 нафар ўғил болага берилган. Учинчи ўринда – Алихан, бу исм 174 нафар ўғил болага берилган. Айтганча, март ойида бу исм энг кўп қўйилган исм эди (284).

Апрел ойида 141 нафар болага Нурислом деб исм берилган. Бу исм март ойида 4-ўринда эди. 191 нафар бола шу исм билан Қозоғистон фуқаролигини олган.

Қизлар учун энг кенг тарқалган исм - Медина. Апрел ойида 430 ота-она бу исмни танлашган.

Иккинчи ўринда - Раяна, бу исм 383 марта берилган. 343 нафар қизга берилган Айша исми - энг оммабоп категорияда машҳур учликдан жой олган. Умуман олганда, ўтган ой статистикаси чақалоқларга кўпинча мусулмонча исмлар қўйилганини кўрсатади. Масалан, Али, Ислом, Муҳаммад, Муслим, Динмуҳаммед, Амина, Ясина, Фотима каби бошқа исмлар кенг тарқалган.