Роналду янги клубига расман таништирилди

ASTANA. Kazinform – Саудия Арабистонининг «Ал-Наср» клуби португалиялик футболчи Криштиану Роналдунинг таништириш маросимини ўтказди, деб хабар беради Kazinform Sports.kzга таяниб.

Таништириш маросими Эр-Рияддаги Ханзада Фейсал бин Фахд стадионида бўлиб ўтди.

Эслатиб ўтамиз, 37 ёшли Криштиану Роналду «Ал-Наср» клуби билан икки йиллик шартнома имзолаган эди.

«Ал-Наср» билан тузилган шартномага кўра, Роналду йилига 200 миллион евро маош олади ва футбол тарихидаги энг кўп маош олувчи футболчига айланади.

Яқинда Қатарда бўлиб ўтган ЖЧ-2022да Роналду ёмон ўйин кўрсатди: у бешта ўйинда атиги битта гол урди ва иккита ўйинни захирада бошлади. Португалия терма жамоасининг турнирдаги ўйинига келсак, чорак финалда Марокаш терма жамоасига 0:1 ҳисобида имкониятни бой берди.

Фото: twitter.com/AlNassrFC_EN