Шуша шаҳри Туркиянинг Бурса шаҳридан ТУРКСОЙнинг маданий пойтахти рамзини қабул қилди
BAKU. Kazinform – 2022 йилда туркий дунёнинг маданий пойтахти тимсоли мақомига эга бўлган Туркиянинг Бурса шаҳри эстафетани Озарбайжоннинг Шуша шаҳрига тантанали равишда топширди, деб хабар беради Кazinform мухбири.
Бурса шаҳрида Халқаро Турк маданияти ва мероси жамғармаси ҳомийлигида маҳаллий муниципалитет билан ҳамкорликда «Бурса – Туркий дунёнинг маданий пойтахти - 2022» икки кунлик «Шуша кунлари» оммавий кщнгилочар дастурининг расмий ёпилиш маросими бўлиб ўтди.
Тадбирда Халқаро Турк маданияти ва мероси фонди президенти Гунай Эфендиева, ТУРКСОЙ бош директори Султан Раев, Туркий давлатлар ташкилоти бош директори Кубаничбек Омуралиев, шунингдек, қардош туркий давлатлар вакили дипломатлар, маҳаллий муниципалитетлар раҳбарлари, давлат органлари, оммавий ахборот воситалари ва жамоатчилик вакиллари иштирок этди.
«Дунёдаги туркий халқларнинг кўп асрлик қадриятларини ўрганиш, ҳимоя қилиш ва тарғиб қилиш билан шуғулланувчи Халқаро Турк маданияти ва мероси жамғармаси Бурса шаҳрида «Шуша кунлари»ни ўтказиш ташаббуси билан чиқди. Бу таклиф Туркий давлатлар давлат раҳбарлари томонидан ҳамда Самарқандда бўлиб ўтган Туркий давлатлар ташкилотининг IХ саммити доирасида қўллаб-қувватланди ва қабул қилинди ва бу унинг декларациясида ўз аксини топди», — дея Гунай Эфендиева ўз нутқида янги ва гўзал анъананинг бошланиши ҳам ҳисобланишини таъкидлади.
Тадбирнинг диққатга сазовор қисми унинг маданий-кўнгилочар қисми бўлди. Шуша кунлари доирасида Бурса аҳолиси ва меҳмонлари «Шушанинг бетакрор марвариди» бадиий ҳужжатли фильми прьемераси, «Шушада қолган юрагим» спектакли, дунёнинг фотокўргазмасида таниқли фотограф Реза Дегати, шунингдек, Озарбайжон миллий кийим маркази раҳбари модельер-дизайнер Гулнора Халилованинг «Қорабоғ» коллекцияси намойиш этилди.
«Етти гўзал» лойиҳаси ташриф буюрувчиларнинг алоҳида эътиборини тортди, унинг асосида туркий илдизлари муштарак етти мамлакат мусиқачиларидан иборат сепет (етти ижрочидан иборат мусиқа ансамбли) (Озарбайжон, Қозоғистон, Қирғизистон, Туркия, Ўзбекистон, Туркманистон ва Венгрия) ташкил этилган. Қозоғистон ансамлида халқаро танловлар лауреати, Астана давлат академик филармонияси солисти Мая Медетбек иштирок этди.
Ташкилотчилар таъкидлаганидек, тадбир умуман олганда туркий дунёнинг бой тарихий-маданий меросини оммалаштириш, қардош мамлакатларни миллий-маънавий қадриятлар асосида яқинлаштиришга хизмат қилмоқда. Йиғилиш иштирокчилари, шунингдек, буюк шахсларнинг ватани, Озарбайжоннинг бой мероси бешиги бўлган Шуша шаҳрининг келгуси йилда туркий давлатларнинг маданий пойтахти деб эълон қилиниши тарихнинг янги ва улуғвор саҳифаси эканини алоҳида таъкидладилар.
Фото: аzertag.аz
Муаллиф: Серикбол Қошмағанбетов
