Транскаспий йўлаги бўйлаб юк ташиш ҳажми ортиб бормоқда
ASTANА. Кazinform – Транскаспий йўлаги бўйлаб юк ташиш ҳажми ортиб бормоқда. Бу ҳақда Озарбайжоннинг Қозоғистондаги Элчиси Агалар Атамогланов маълум қилди, дея хабар беради Кazinform мухбири.
«Ўтган йили Озарбайжон, Қозоғистон ва Туркия ташқи ишлар ва транспорт вазирлари Боку ва Ақтауда икки марта учрашув ўтказган эди. Мазкур учрашувлар якунида қабул қилинган «йўл харитаси» Ўрта йўлакни («Шарқ-Ғарб» Транскаспий халқаро ўрта йўлаги) ривожлантиришга янги суръат бағишлади. Айтиб ўтилган йўналишда аллақачон сезиларли ўсиш кузатилмоқда. Келажакда албатта ошади», деди Озарбайжон Элчиси пойтахтда бўлиб ўтган «Турк дунёсида иқтисодий алоқа ва интеграция» мавзусидаги экспертлар йиғилишида.
Унинг таъкидлашича, транзит йўлагини ривожлантириш мақсадида Боку халқаро аэропортининг ўтказиш қобилияти йилига 15 миллион тоннадан 25 миллион тоннага кўтарилган. Боку-Тбилиси-Карск темир йўлининг юк ташиш қуввати 1 миллион тоннадан 5 миллион тоннага оширилди.
Муаллиф: Марлан Жиембай
