Во Ван Тхионг Вьетнамнинг янги президенти этиб сайланди

HANOI. ТАSS - Кazinform - Пайшанба куни Вьетнам Социалистик Республикаси Миллий мажлисии (бир палатали парламент) Сиёсий бюро аъзоси, ҳукмрон Вьетнам Коммунистик партияси (ВКП) Марказий қўмитаси котибиятининг доимий аъзоси Во Ван Тхионгни мамлакатнинг янги президенти этиб сайлади. Бу ҳақда Миллий ассамблея раиси Вионг Динь Хюэ маълум қилди, дея хабар беради Kazinform TASSга таяниб.

Во Ван Тхионг ватанга, ҳукмрон Вьетнам Коммунистик партиясига ва Вьетнам халқига содиқлик қасамёдини қабул қилди. Овоз бериш натижалари эълон қилингандан сўнг дарҳол давлат раҳбарининг инаугурация маросими бўлиб ўтди.

52 ёшли Во Ван Тхионг замонавий Вьетнам тарихидаги 12-президент бўлди. У 1970 йил 13 декабрда жанубдаги Виньлонг провинциясида туғилган. 1992 йилда Жанубий Хошимин университетининг фалсафа факультетини марксизм-ленинизм фалсафа йўналиши бўйича тамомлаган, 1999 йилда эса Хошимин номидаги Вьетнам Миллий университетининг Ижтимоий ва гуманитар фанлар университетининг фалсафа магистри даражасини олган. Ўтган йиллар давомида Вьетнам Коммунистик ёшлар иттифоқида, маҳаллий партия ташкилотларида масъул лавозимларда ишлаган, 2007 йил июнь ойида эса Миллий мажлисга сайланган.

Барча раҳбар кадрлар, шу жумладан, президент, бош вазир ва парламент раиси сайловлари Вьетнам Коммунистик партияси Марказий Қўмитасининг тавсиясига кўра Миллий мажлис томонидан ўтказилади, у Вьетнам Социалистик Республикаси Конституциясига мувофиқ , мамлакатдаги энг юқори ҳокимият ҳисобланади. 1 март куни Ханойда бўлиб ўтган 13-чақириқ Вьетнам Коммунистик партияси Марказий қўмитасининг навбатдан ташқари пленумида ҳукмрон партия январь ойида ўз хоҳиши билан истеъфога чиққан Нгуен Суан Фук ўрнига мамлакат президентлигига Во Ван Тхионг номзодини тавсия қилди. Янги президент бу лавозимда 2026 йилгача ишлайди.

69 ёшли Нгуен Суан Фук замонавий Вьетнам тарихида ваколат муддати тугамасдан истеъфога чиққан биринчи президент бўлди.