Январ воқеалари: Оммавий тартибсизлик бўйича 58 та, терроризмга оид 8 та иш тергов қилинмоқда
30 Июнь 20:49

Январ воқеалари: Оммавий тартибсизлик бўйича 58 та, терроризмга оид 8 та иш тергов қилинмоқда

NUR-SULTAN. Kazinform – Қозоғистонда январ ойида содир бўлган оммавий тартибсизликлар бўйича 58 та жиноий иш ва террорчилик ҳаракатлари билан боғлиқ 8 та жиноий иш қўзғатилган. Бу ҳақда Қозоғистон Республикаси Бош прокуратураси 1-хизмати бошлиғи ўринбосари Елдос Қилимжанов маълум қилди, дея хабар беради Kazinform мухбири.

«Бош прокуратура январ воқеалари билан боғлиқ жиноят ишлари бўйича терговнинг бориши тўғрисида ҳисобот беришда давом этмоқда. Маълумки, Алмати, Чимкент, Ақтўбе, Атирау, Алмати, Жамбил, Қизилўрда ва Шарқий Қозоғистон вилоятларида вайронагарчилик, давлат объектларини ёқиб юбориш, мулкни йўқ қилиш ва террорчилик ҳаракатлари содир этилган. «Ўша қайғули кунларда жиноятчилар ҳарбийларга ҳужум қилди, йўлни тўсиб қўйди, автомобилларни ёқиб юборди, фуқароларни тартибсизликларда иштирок этишга кўндириб, талон-тарож қилишди», — деди Елдос Қилимжанов.

Унинг қайд этишича, жамоат хавфсизлиги ва қонуний тартибни тўсиш мақсадида улар полиция идоралари биноларига ҳужум қилган.

«Бугунги кунда махсус прокурорлар томонидан оммавий тартибсизликлар бўйича 58 та, террорчилик ҳаракатларига оид 8 та жиноят иши кўриб чиқилмоқда. Ишлар ниҳоясига етгач, судга юборилади», — деди Бош прокуратура вакили.

Муаллиф: Марлан Жиембай

Ўхшаш янгиликлар

Янгиликлар

Архив